Vizita e kryeministrit të Malit të Zi në Prishtinë, Dushko Markoviç, e planifikuar të zhvillohej sot, është anuluar.
Donjeta Gashi, zëdhënëse e Qeverisë së Kosovës, u shpreh për Radion Evropa e Lirë se vizita është anuluar për shkaqe atmosferike.
“Për kohën dhe vizitën, mbetet të ketë një koordinim të ri ndërmjet qeverive përkatëse”, tha Gashi.
Vizita ka qenë e paraparë të zhvillohet në kohën kur Kryesia e Kuvendit të Kosovës e ka shtyrë shqyrtimin dhe votimin e projektligjit për ratifikimin e Marrëveshjes së demarkacionit të kufirit ndërmjet Kosovës dhe Malit të Zi, për shkak të mungesës së koncesionit politik.
Marrëveshja është nënshkruar në vitin 2015. Kuvendi i Malit të Zi e ka ratifikuar atë, por jo edhe ai i Kosovës.
Marrëveshja është kontestuar kryesisht nga partitë opozitare në Kosovë, duke thënë se me të, Kosova humb territor.
